【新增圭賢抵達訓練所圖片及內容】
韓國男團Super Junior嘅圭賢今日就喺忠清南道論山陸軍訓練所入伍，由於圭賢本人想安靜入伍，所以佢會以非公開形式入伍，現場唔會有見粉絲傳媒環節，就連SJ成員都唔會同行，不過喺現場仍有粉絲到場送偶像入伍，希望能見多圭賢幾面。而圭賢將於2019年5月24號退伍。

而圭賢入伍今日即公開自己嘅剃髮照，當中可見佢已剪成平頭裝，並留言話自己唔適應呢個新髮型，叫粉絲唔好病唔好喊，同埋要佢哋記得聽自己嘅歌，預告同粉絲有重逢一日。而圭賢喺工作人員陪同下終於現身訓練所，佢戴上帽子及口罩，臨入去前同現場粉絲揮手道別。

另外，圭賢今日入伍，佢喺噚日公開嘅新歌《重逢之日》截至今早7時仍然佔據Genie、Olleh、Bugs等音源網站嘅榜行排第一名，可算係送給圭賢嘅特別禮物。