【特稿】
訪問當天關媽媽與樂頌同行，第一次聽女兒細訴往事，「多謝你哋，我先可以重組案情」。她說丈夫去世、樂頌輟學那日子，是其人生低谷，「苦難好似係人生必修課咁，單親真係好難做，但我唔可以冧，我冧個女就會跟住冧」。她尋求社工協助又靜靜觀察樂頌變化，「放手俾佢攤唞吓」。
關媽媽說向來不催谷女兒，發現樂頌是資優兒也是一場意外，指樂頌小五時常被某位老師挑剔字體難看，「咁我先帶佢去做測試，睇吓係咪讀寫障礙，點知原來係資優、IQ130，個老師先唔再針對佢」。

父：俾個草原佢哋跑

她說樂頌升上英中也是順其自然，由教育局派位，後來才發現該校課業繁重，「我都奇怪，明明做到12點先瞓，點解4點又起身做過」，形容樂頌那時像隻蝸牛，「敲多兩敲，仲縮入啲㖭」。惟有靜觀其變，發現她其實仍有好奇心，「無啦啦會拆開部電腦研究」，就鼓勵她讀公開大學遙距課程，「成績仲幾好㗎，攞A！」
「到佢肯去非常學堂，我就知有轉機」，她認為樂頌見到很多人際遇更悲慘，就較能面對自的處境。她笑言樂頌猶如「大翻新，好似成間屋髹過一次油咁」，深感安慰，更放心讓女兒自由發展，想起像丈夫生前愛說的，「俾個大草原佢哋跑啦，跑到盡咗，就會番嚟，就會自己搵路」。
■記者朱雋穎