林文龍就同郭可盈噚晚帶埋囡囡出席趙曾學韞生日派對，文龍與可盈一齊訪問，嚟緊佢哋個女6歲生日，可盈話個女好乖唔會扭計買嘢。

咁會唔會幫個女搞百萬生日派對？林文龍就話：「唔好咁誇張，細路仔唔好focus喺錢度，希望佢享受童年。」到時會唔會請熊黛林出席？可盈話:「睇吓佢到時喺唔喺香港，佢嗰段時間好似要飛。」

之前可盈一家同細佬郭可頌以及熊黛林一齊去旅行，係咪順便傾細佬同熊黛林嘅婚事？可盈話:「未咁快，去旅行好開心，吃喝玩樂，冇傾乜嘢重要嘢。」

想唔想佢哋拉埋天窗？可盈話：「最緊要佢哋相處開心，佢哋自己決定啦。」新一年兩公婆有冇造人大計？可盈話:「呢啲嘢我冇所謂，最緊要睇林生。」

文龍就話：「咁我0依家要積極儲錢，因為0依家有兩個大小姐。」問天若想唔想做家姐？天若就話：「唔想，我想要哥哥，我想做妹妹。」不過，可盈靜靜雞話天若其實好鍾意照顧小朋友，想要個妹妹或者小朋友喎。