近日喺南韓進行亞洲之旅嘅「咖喱仔」史堤芬居里（Stephen Curry），出席贊助商UA嘅活動時，見到一位落場玩遊戲、兼成功喺半場入波嘅粉絲着住對家「一剔」牌嘅勒邦占士（LeBron James）波鞋後，咖喱仔二語不說咁衝過去除佢鞋，兼扔對鞋出場。

不過，塞翁失馬焉知非福？咖喱仔之後竟然送番對自己嘅新鞋畀呢位粉絲，仲送上親筆簽名㖭！咖喱仔之後仲喺twitter話：「你有咁遠嘅射程，就要着番對啱嘅波鞋！」