偶像對戀愛話題一向都避得就避，不過男團BIGBANG嘅成員太陽似乎就唔太在意喇。

日前太陽接受節目訪問時，就大方同大家分享佢嘅初戀史，仲話初戀女友令佢心傷透添。

太陽喺節目話出道前，佢有一個好愛好愛嘅初戀女友，女友為佢帶動想成為出色音樂人嘅推動力。

太陽：「當時我諗（為咗做音樂人）即使唔可以成日見面，應該都可以忍受。可惜之後我聯絡唔到佢，仲發現佢已經有咗第二個。」

網民睇完之後都唔咁相信，太陽有過一段咁sad嘅初戀，仲有人話以為太陽係「母胎單身」添。相反，男團BEAST成員龍俊亨日前喺接受電台訪問上就扮失憶，避過主持人問佢有關前度女友具荷拉嘅問題。