劉德華昨日以「星級監護人」身份出席於跑馬地馬場舉行的「兒童愛心馬拉松」活動，帶領現場過千小朋友做熱身操並主持開步禮。剛從北京拍新片《未來警察》返港的華仔，被問到無綫明日裁員逾200人，同樣身為老闆的他表示不知此事，但覺大公司盡量不應該裁員，除非在金融海嘯中大損手，華仔說：「都唔爭在嗰200人啦，你叫啲人點算？除非銀根缺乏，我真係唔希望喺呢個時候裁員，炒20個就算啦！」

或缺席四台頒獎禮

另外，談到東亞唱片日前拉隊缺席港台十大中文金曲記者會，華仔表示經理人有向東亞了解，他又表示今年因忙於拍戲，很大機會缺席四個頒獎禮，華仔說：「其實我舊年都冇去啦，嗰時我未入東亞，所以唔關事！」
問華仔可覺現時頒獎禮變質？華仔坦言不知道現時頒獎制度有否改變，他續說：「好似要出席季選先有獎，唔出現就連一首歌曲獎都冇，咁冇歌曲獎就算佢頒個最受歡迎男歌手畀我都覺得醜啦，又要俾人寫，畀我都唔夠膽囉！」提及頒獎禮杯葛潮又起，華仔笑指某公司可能缺席新城頒獎禮並非獎項問題，他說：「新城咁多獎，我覺得應該唔關獎事，係其他問題。」
採訪：藍嵐　攝影：黃偉雄