篤定成新一屆立法會主席的經民聯梁君彥接受無綫節目《講清講楚》時表示，議會要有效率運作，但「剪布」又剝奪了議員議事的空間，認為重點是改善行政立法關係，處理分歧，「我想做嘅係治本唔係治標，因為『剪布』係痛苦」，建議先在法案委員會花更多時間討論，政府亦可召開三方會議，甚或四方會議以平息爭議。

對於被批評作風太強硬，在5月主持內會時亦曾將人民力量陳偉業逐出會議室，過程不足30秒，梁君彥回應說有泛民指摘他「極速」，但有建制又指他「太鬆」，「作為大主席，我覺得畀多一啲時間，鬆少少，唔係一件壞事，但係都要同其他69位議員傾一傾，把尺應該點做，我都覺得應該要細心聆聽，唔係獨斷獨行」。他說已開始約見各黨派，但被部分非建制派杯葛，他表示為了未來4年的工作關係，會繼續爭取與他們見面。

早前曾一度有意競逐主席的新民黨田北辰及謝偉俊，先後批評梁君彥不肯與他們同場接受媒體訪問，梁君彥說建制派透過協商推舉他，是各黨派的共同決定，過去兩星期不與田及謝兩人同場接受訪問，是為了建制派團結，「我覺得建制派團結係重要嘅，如果喺傳媒(面前)，大家隔空去對罵，對建制派整體係無一個好嘅效果，所以我選擇，不如等建制派大家開咗會，磋商完先出嚟」。對於接受訪問時，謝偉俊及田北辰已退選，會否影響公眾觀感，梁君彥則說認為保持沉默，不讓建制派分裂是重要的。