陳豪與周汶錡、熊黛林、閰清、Rosemary及「翻版關之琳」Joycelyn五位美女，昨日齊齊在銅鑼灣出席EsteeLauder美容活動，最近有報道指蔡少芬（Ada）及陳豪在泰國拍攝劇集《珠光寶氣》時擦出愛火，更在山洞約會兩小時，陳豪說：「得得地（陳豪在《溏心風暴》中的角色）好乖仔㗎，唔係我哋兩個，係成班人去，因為有人話山洞風景靚，大家一齊去影相。我同蔡少芬合作過好多次，同佢係好兄弟，可能性係零！」他又謂《溏》劇帶來不少工作機會，賺下來的錢會投資買樓，問他築了愛巢沒有，陳豪竟說：「買咗好耐啦！」

指緋聞得啖笑

另一方面，前晚《珠光寶氣》外景隊由泰國返港，蔡少芬步出機場時回應緋聞說：「當日去山洞唔止兩個人，黃德斌都有份，因為話風景靚，所以成班人踩單車入去睇。」那麼她會否害怕被指為狐狸精？Ada說：「呢啲唔關我事，唔會話驚，得啖笑。」
此外，蔡少芬昨日接受商台電話訪問，她說：「我哋係郎才女貌，大家都係好人，佢個人好開心好活潑，大家係好朋友，陳豪唔會鍾意我呢啲男仔頭。」問她可擔心陳豪緋聞女友廖碧兒不高興，她說：「我唔想任何人誤會，唔係咩緋聞，係無傷大雅嘅緋聞。」
採訪、攝影：藍文浩、吳天慧