開騷前聲帶出血失聲兩星期 關心妍：最慘冇得黐住個女
蘋果日報 2019/12/30 12:19
關心妍娛樂娛樂
關心妍（Jade）入行18年，早前舉行《時刻觸動世界巡迴演唱會》廣州站，日前（28日）在東莞舉行第二站， Jade唱出多首經典金曲《負擔不起》、《假使我漂亮》、《終點》、《你有心》、《我太強》、《手下敗將》及《放生》等。
Jade請來羅力威擔任嘉賓，羅力威並自爆Jade是他心中的女神，初入行在頒獎禮第一次見面，想了好耐先敢上前合照，羅力威說：「Jade太多歌打動我，亦影響咗我創作音樂靈感，初入行每次見到佢都心跳加速。」令在旁的Jade哈哈大笑，Jade說：「我嗰陣都結咗婚㗎喇，我同佢老婆（雨僑）好熟㗎！」Jade大讚羅力威彈得一手好琴，更即場鋼琴伴奏為Jade度身訂造的新歌《時刻》，然後兩人再合唱網路神曲《可不可以》。
在個唱尾聲，Jade有感而發，原來她在開騷前兩星期失聲，經醫生診斷後發現她的聲帶出血，立刻要求Jade停止練歌，甚至不能做運動，只可閉關休息養聲，Jade說：「臨開騷前兩星期突然聲沙，馬上去睇醫生照聲帶，醫生話左邊的聲帶出血，好擔心，所以今日真係一個奇蹟，可以喺咁短時間內好番！今晚唱最後一首歌先敢同大家講，如果聲帶惡化可能要臨時取消，好感恩，多謝大家嘅支持，畀我嘅動力，令我把聲今日無事！」說罷，Jade唱出《關心...心妍》，再次感動爆喊。
Jade特別感謝老公，她說：「最慘冇得黐住個女，連同佢玩和說話都唔得，最怕傳染佢，呢幾個星期老公好辛苦，每日帶心心出街玩。」東莞站圓滿結束，明年3月，Jade會到澳洲及美加繼續巡迴演唱會帶到，希望尾站可在香港舉行。
Jade請來羅力威擔任嘉賓，羅力威並自爆Jade是他心中的女神，初入行在頒獎禮第一次見面，想了好耐先敢上前合照，羅力威說：「Jade太多歌打動我，亦影響咗我創作音樂靈感，初入行每次見到佢都心跳加速。」令在旁的Jade哈哈大笑，Jade說：「我嗰陣都結咗婚㗎喇，我同佢老婆（雨僑）好熟㗎！」Jade大讚羅力威彈得一手好琴，更即場鋼琴伴奏為Jade度身訂造的新歌《時刻》，然後兩人再合唱網路神曲《可不可以》。
在個唱尾聲，Jade有感而發，原來她在開騷前兩星期失聲，經醫生診斷後發現她的聲帶出血，立刻要求Jade停止練歌，甚至不能做運動，只可閉關休息養聲，Jade說：「臨開騷前兩星期突然聲沙，馬上去睇醫生照聲帶，醫生話左邊的聲帶出血，好擔心，所以今日真係一個奇蹟，可以喺咁短時間內好番！今晚唱最後一首歌先敢同大家講，如果聲帶惡化可能要臨時取消，好感恩，多謝大家嘅支持，畀我嘅動力，令我把聲今日無事！」說罷，Jade唱出《關心...心妍》，再次感動爆喊。
Jade特別感謝老公，她說：「最慘冇得黐住個女，連同佢玩和說話都唔得，最怕傳染佢，呢幾個星期老公好辛苦，每日帶心心出街玩。」東莞站圓滿結束，明年3月，Jade會到澳洲及美加繼續巡迴演唱會帶到，希望尾站可在香港舉行。
