【酒店煲劇】溫碧霞為返京演推理片 不惜接受14天隔離
蘋果日報 2020/08/04 12:47
溫碧霞
（互聯網圖片）- Irene在上海酒店隔離期間，閒來做運動身。 （互聯網圖片）
- （互聯網圖片）
- 今日在酒店做完運動，準備上床午睡一下。（互聯網圖片）
- 上周四Irene生日與老公出海慶祝完，立刻赴上工作。（互聯網圖片）
溫碧霞（Irene）上周四在港度過了54歲生日後，日前又到了上海工作，不過開工前她要先接受14天隔離，然後會在當地拍攝廣告，之後會再飛到北京演出一部科幻推理電影《一萬光年謀殺案》，該片由大陸青年導演楊翼執導兼編劇，其他香港演員還有李子雄，Irene今日同蘋果表示：「呢部懸疑推理片劇本好好，主要講7個人喺飛船入面，其中一人被殺，到底誰是兇手，劇情細節鋪排得幾好，所以我先會願意返到內地接受14日隔離去拍呢部片，依家我喺酒店先強制性隔離一周，然後可以去朋友家住，再隔離一周就可以自由活動。」
今次在北京拍戲，她預計要下個月中才可以完成工作回港，到時回來又要接受隔離，Irene表示：「為咗做自己喜歡嘅工作都冇辨法，好似依家喺酒店隔離，我咪睇下劇本，做吓運動，再唔係煲吓劇，又或者同家人通吓視迅，時間好快打法過去。」