晚上約10時20分，港鐵將軍澳線一列由鰂魚涌開往油塘的列車，行駛期間，車尾駕駛室門突然開啟，當時在最尾一列車廂的乘客Coco被嚇親，她事後表示：「突然之間bomb一聲，我驚爆炸！」

Coco指出，原安坐於座位上，突然聽到「bomb」一聲，赫見車尾駕駛室門自動彈開，坦言感到驚慌及奇怪，「冇人夠膽掂度門，我行前去睇吓咩事，有咩事求救嘛！」她立刻以手機拍攝相片，待列車抵達油塘站時，通知月台職員。猶有餘悸的Coco批評：「好彩冇人挨埋度門中間位咋！」否則會很危險，幸無人受傷。該門一度打開約4分鐘，列車抵達油塘站時，2名職員上車關門，若無其事離去。

港鐵發言人回覆，晚上10時許，涉事車長駕駛一列由鰂魚涌開往油塘的列車，行駛期間，警號響起，駕駛系統顯示另一端駕駛室門並未關好，頓時通知油塘站職員，待列車抵達油塘站時上車關門，事件無構成危險，惟並不常見，疑因車尾駕駛室門未鎖好所致。