當年今日

今日必買

蘋果日報 2002/01/04 00:00


新界芥菜近日貨多
入冬芥菜當造,好食之餘澀味亦較少。呢排喺街市嘅芥菜分別有連根及無根兩種。連根芥菜主要嚟自新界,價錢較貴,$6-$7一斤,而無根嗰種則產自中國嘅為多,一般約$4-$5斤。貨源方面,連根新界芥菜則唔多,只有小部分檔口至有,而且係呢排至常見,要買好趁手。冬天天氣較乾燥,芥菜滾湯清熱又滋潤。

記者:陳冰麗
豬爽肚火鍋新料
豬爽肚肉較厚,食落比金錢肚更爽口及有口感,可以話係打邊爐另一新選擇。豬爽肚唔係好多地方有得賣,大型超市或部分較大嘅凍肉舖至有,有興趣試嘅話可以到吉之島昅昅。豬爽肚除咗用作打邊爐,亦可以配以胡椒粒煲湯,有暖胃驅寒功效,啱晒家陣凍冰冰天時飲用。

記者:陳冰麗