余文樂（樂仔)與台灣皮帶大王千金王棠云(Sarah)去年奉子承婚，囝囝余初見（Cody）今日剛好一個月大，樂仔又忍唔住喺ig貼咗囝囝嘅腳仔相，留言﹕「1 month~」。
後面再加個心心，睇得出樂仔真係難拋內心興奮。

其實樂仔做咗人父為後，真係成個人都變晒，由鍾意夜蒲嘅Playboy變慈父，佢曾經留言話﹕「當了爸爸後就每天都想回家。以前別人講我不太能想像那感覺，但現在終於知道了...等我爸爸會趕快回來。」呢一個月裏面，樂仔不定時咁貼出囝囝嘅「斬件」相分享喜悅，唔知幾時先可以見到Cody仔嘅正面樣呢？！

精選娛聞，喺晒《娛果》 http://fb.com/appledailyent