當年今日
關於我們
隔牆有耳:鬍鬚曾識做 - 李八方
蘋果日報 2009/07/11 00:00
煲呔多番被社民連三名議員打斷發言,日前喺答問大會結束前,懶語重心長咁叫議員包容啲。身為煲呔條o靚,鬍鬚曾梗係撐老細,佢噚日出席科大MBA校友會新書發佈會,致辭時就暗寸社民連三子成日搗亂,仲好囂咁話,政府唔會因為有議員大聲疾呼,就進行一啲華而不實同短視嘅政策。
除咗鬍鬚曾之外,即將告別香港嘅科大校長朱經武都有嚟撐場。呢本書叫《香港下一個10年》,入面啲文章全部由科大MBA生所寫,講吓香港未來發展方向、企業管理等。但由於即場冇派書畀傳媒,八方暫時仲未睇過內容,唔知香港下一個十年係點。