市面上網購及團購多不勝數，不少實體店生意更難做，有少女表示，每月有一半消費額奉獻給網購。不過，亦有男生表明，始終都是喜歡去實體店購物。

王小姐表示，現時用Facebook、IG購物好方便，而且好快送到自己手上，加上價錢平少少，「當你一樣嘢街賣50蚊，網上可能40蚊就買到」，又唔使自己落街買，所以一個月消費的一半，都是用來網購，身邊朋友都喜歡網購。即使無得試，但自己都會識揀信譽好的網店先會買，2至3年的網購經驗都是良好，實物和相片都不會有太大落差。

自己已經好少再行街，以前中學生時代經常去的旺角中心，現時都已經好少去，可能半年都去不到一兩次，而且近年韓流太勁，多了好多人都會選擇網購韓國的產品。

不過，男性代表的林先生，剛剛出來工作，就表明始終喜歡去實體店購物，因為「可以試埋」，消費當中大多數是在實體店購物，差不多超過八成，身邊喜歡網購的大多是女性，但認同網上的確是較多選擇。

記者：程俊華 黃嘉銘

掌握財經生活資訊，即Like「蘋果ATM」fb專頁啦！
http://fb.com/appledailyatm