綠怡雅苑捲入「滲水樓」醜聞，《蘋果》記者隨驗樓師到兩個單位驗樓，發現最少5大「甩漏位」，部份更離不開漏水，包括其中一個單位的坐廁水箱嚴重漏水，儼如瀑布，「一撳（掣）沖水，啲水已經喺水箱背後湧晒出嚟，成個地下都濕晒⋯⋯見到咁嘅情況我都好驚訝」。另外，屋苑廚房抽油煙機設計也很「騎呢」，住戶同時開抽油煙機及廚房窗，油煙會倒抽返入屋內。

記者上月底隨驗樓師賴達明到綠怡雅苑兩個單位驗樓，其中一個實用面積約425呎、擁開揚山景的一房單位，賴達明發現該單位浴室問題多多，其中坐廁水箱嚴重漏水，儼如瀑布，「一撳（掣）沖水，啲水已經喺水箱背後湧晒出嚟，成個地下都濕晒⋯⋯無論檢查、安裝同驗收都好，係相當容易發現（漏水），見到咁嘅情況我都好驚訝，過往我未見過咁嚴重情況。」

他估計，水箱可能「穿咗、裂咗」，須打開水箱詳細檢查，更指坐廁為鹹水，若地台防水層破損，會漏水至下層單位。浴室洗手盆的水龍頭同樣未有妥善安裝，接駁位置漏水至浴室櫃內，長遠會發臭、發霉，影響耐用性；廁紙架亦明顯生鏽。

另一個實用面積約420呎、同樣為一房的單位，賴發現浴室「都幾多問題」，包括坐廁板鬆脫、洗手盆水龍頭未有安裝好、接駁位可滲水入櫃內及企缸排水口地台磚有崩等。該單位玻璃崩花情況亦頗嚴重，其中廚房窗有多達8處崩花，估計是大廈拆棚時未有做好保護措施，「啲沙石撞崩玻璃窗」；大廳近露台位置則有一塊空心磚，冷氣機台底亦有大窿。

兩個單位的廚房抽油煙機設計「騎呢」，賴達明指廚房抽油煙機的排氣口與廚房窗距離少於半呎，即場測試發現，同時開抽油煙機及廚房窗，油煙會倒抽返入屋內，「即係如果你打開隻窗，會食番晒啲油煙」，形容設計失誤，建議住戶開抽油煙機時須關窗。

綠怡雅苑5大「甩漏位」

1.廚房窗有多達8處崩花
2.坐廁板鬆脫
3.廚房抽油煙機排氣口與廚房窗距離少於半呎，油煙倒抽入屋
4.坐廁水箱嚴重漏水
5.水龍頭接駁位漏水，食水漏入浴室櫃內，長遠發臭發霉
資料來源﹕驗樓師賴達明

記者 譚靜雯

-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多