投訴一：年過六十的劉先生夫婦，七年前開始於跑馬地馬場內、由康文署管轄的跑馬地遊樂場經營小食亭；劉先生表示，他倆年事已高難於在外找工作，惟有靠這小食亭維生。遊樂場內共有十一個場出租，由於小食亭位於遊樂場內，大部份顧客都是租用場內設施的人士，街客幾乎等於零。劉太指：「啲客租場打波、踢波，一踢完就多數會喺我呢度買嘢飲，生意總算過得去！」
封場大維修趕客
惟由今年七月開始情況完全不同，場內進行大規模維修翻新工程，以致遊樂場內所有場地均暫停租用，而小食亭的生意額更是大幅下滑了九成。他們曾創下一天只做得九十多元生意的「創舉」。「維修係必須，但以往都係按次序去整，唔會一次過封晒全個遊樂場；今年唔知點解會咁安排，如果唔係重有幾個維修工人幫襯，真係連幾十蚊生意都無！」劉太質疑康文署作維修安排時，並沒有體恤經營者苦況，以致他們如今「無啖好食」。
投訴二：個多月前才開始於灣仔摩利臣山泳池經營餐廳的余先生表示，他們於年初投標前已多次到餐廳視察，發覺上址人流頗多，而各出入口亦經常「中門大開」，相當方便場內使用者及外來街客，預計會有不錯生意額，故投資經營。
豈料，他們接手經營後，其中一道連貫泳池、更衣室及餐廳的側門，亦即泳客通往餐廳的主要通道，卻長時間被關上，只在其餘三段泳池完場前的半小時才開放，讓泳客離開。「以前呢道門一直長開，上一手老闆都係咁話；連啲家長都向我投訴，指𠵱家成日閂門，想過嚟買嘢食畀啲細路都唔方便！」