周潤發、甄子丹、郭富城主演的《西遊記之大鬧天宮》在昨日年初二報喜訊！首日票房以1.22億人民幣（約1.55億港元）創了內地電影首日最高票房紀錄，打破了《變形金剛3》的1.18億人民幣舊紀錄，《西》片同時破了中國電影單日最高票房紀錄、第一部首日過億票房華語電影、過億速度最快華語電影、華語電影史大年初一最高票房電影合共五項紀錄。另內地電影《爸爸去哪兒》首日收逾8,700萬人民幣排在第二位，《六福喜事》則收7,800萬人民幣。
由於氣勢強勁，業內估計《西》片有望衝擊《阿凡達》創下最高的13億票房紀錄，而香港3日票房亦累計有592萬元。在電影中黐毛扮孫悟空的甄子丹正與家人在外地度假，得知票房高開非常高興：「感謝所有人，呢個係台前幕後共同努力嘅成果，我會繼續努力拍好戲，會更強！」

發哥讚揚幕後人

而在香港過農曆年的發哥亦感開心，他說：「多謝老闆投資咗部三年特技大片，多謝幕後人員勞苦功高，做幕後真係好辛苦，多謝導演，多謝子丹咁為我哋演員，辛苦晒、多謝晒，亦好高興套戲破咗紀錄，多謝多謝！」主角之一的郭富城坦言：「電影有咁好嘅票房紀錄，對製作團隊嚟講係一份好大嘅鼓舞，我作為電影中的一分子亦好振奮，我特別替投資者同導演高興，大家嘅努力、堅持終得到印證，希望觀眾繼續支持《大鬧天宮》，令票房繼續上揚，再創紀錄。」
對票房報捷，導演鄭保瑞非常開心：「真係超乎我想像，尤其連《變形金剛3》首日最高票房都打破，好開心、好振奮，對自己亦係一個大鼓勵。」
撰文：朱小寶