【有賣趁手】紅軍掃垃圾套現6億 真係咁理想?
利物浦高路普馬馬度沙高艾拔圖摩蘭奴拿沙馬高域
連愛華頓都一日豪使5,000萬鎊擴軍,同市競敵利物浦又點敢喺今夏怠慢。利物浦喺下季回歸歐聯,增兵在所難免,不過要買得豪底子就要夠厚,如果可以將球會冇用嘅多餘球員賣到好價錢套現就最好不過。紅軍希望將3位棄將出售,套現6,000萬鎊(約6億港元)用嚟買新球員。
3名重點推介掛牌球員,有兩個喺上季已經唔係紅軍陣中,被外借咗嘅中堅馬馬度沙高同翼鋒拿沙馬高域。沙高當年以1,800萬鎊轉會費加盟紅軍,雖然同領隊高路普決裂,但身價有升冇跌,紅軍希望可以賣到3,000萬鎊。至於上季借去侯城嘅拿沙馬高域,可能會轉投屈福特,同上季帶領侯城護級失敗嘅馬高施華再度合作。
艾拔圖摩蘭奴喺上季季初被客串左後衛位置嘅占士米拿取代,下季可以繼續留低機會都唔高。利物浦喺2014年以1,200萬鎊收購摩蘭奴,但求收到七八成甩手都可以。