麥美恩噚晚喺尖沙嘴玩具反斗城為《Star Wars Force Friday ll午夜首賣會》擔任活動司儀。大會喺零時零分開始發售星戰系列嘅新玩具，吸引唔少星戰Fans，包括導演葉念琛同埋商台DJ Donald(唐劍康)出席。

第一次做午夜首賣會活動司儀嘅麥美恩就話，自己雖然唔算星戰迷，但咁多集星戰系列電影都有捧場，佢話：「我哥哥同表哥全部都係星戰嘅狂熱Fans，喺外國嘅屋企收藏咗好多星戰嘅玩具、Figures同紀念品。」

既然屋企人咁狂迷星戰，日後如果另一半都係狂戰粉絲又介唔介意？佢話：「我覺得冇乜所謂，男士都應該要有私人空間，但首要條件係要屋企夠大放得落。」

另外，麥美恩又透露嚟緊星期日，就要擔任港姐決賽嘅司儀，心情覺得好緊張。問到有冇心水佳麗，佢話：「我覺得17歲嗰位邱晴狀態大勇，另外4號黃瑋琦都好好，相信Kelly(伍樂怡)有勁敵。」