近呢幾年，身兼荃灣區議員兼立法會議員嘅田北辰，聖誕前節都好鬼忙，因為要落區同街坊過聖誕。咪以為佢就只係就咁棟篤企say hi and bye，每次登場，佢都好有誠意咁變身人肉聖誕樹，四處移動祝大家佳節快樂。日前佢又total look出場，期間遇上一對紅噹噹新人，即刻一齊大合照，紅紅綠綠好有聖誕feel，田二少仲笑說呢個look連狗仔都被佢吸引。

據知二少稍後離港放假充電，今年對佢嚟講，當然係難忘一年，喺逆境中以較上屆更高票連任港區人大代表喎，由此證明人大唔一定只係yes man。佢對此亦好大感觸，喺fb上載一張喺立法會大樓嘅望街相，相中嘅佢chok住望對面嘅嘅聖誕樹燈飾，留言：「作為議員，要報喜亦要報憂，有時難免會唔討好市民」，相信嚟緊新一年，田二少都堅持做佢嘅開明建制派，唔知壓力會唔會畀今年大？