【恭喜新老爺】潘志文溫哥華娶新抱 一家四口舞池共舞超有氣氛

蘋果日報 2018/12/23 15:36

新老爺潘志文娶新抱
    資深演員潘志文（潘翁）榮升做老爺，恭喜晒！日前潘翁同太太Janny喺溫哥華見證仔仔Pontiac同新抱Wing嘅婚禮，Pontiac同潘翁一樣生得高大俊俏，而太太Wing亦好靚女，兩人非常登對，難怪潘翁同Janny都笑到四萬咁口，剛做老爺嘅潘志文回覆《蘋果》話︰「開心，疲累！」
    身在溫哥華嘅一班演藝界朋友李婉華、張翼、張琤 、周秀蘭、黃植森等都有出席婚宴。穿上黑西裝嘅潘翁與太太Janny，同仔仔及新抱一齊出舞池跳第一隻舞，之後changing partner，潘翁帶領新抱仔轉圈，全場賓客熱烈歡呼。而Wing今年8月喺facebook貼出Pontiac嘅求婚經過，見Pontiac拎住鮮花同戒指跪地求婚，真係好浪漫，並寫上﹕「Mrs.Poon」。
    李婉華在facebook留言﹕「Pontiac and Wing郎才女貌！潘翁今晚很開心，Janny雍容華貴，靚絕全場！潘翁只留溫哥華數天，又要回港工作了，再次恭喜新老爺奶奶。」
    李婉華今日接受《蘋果》電話訪問時話當晚好開心同感動，佢話﹕「最感動係潘翁太太Janny講嗰番說話，佢叫阿仔『家庭唔係法庭，唔好只講道理』，我覺得好啱。而潘翁因為經常要返香港拍劇，佢亦有喺台上多謝太太，一直用心照顧小朋友長大。」婉華話鍾嘉欣原本都會到，佢話﹕「我同潘翁、嘉欣之前一齊合作《再創世紀》，原本嘉欣都嚟，但因為唔係溫哥華，嚟唔到，唔係都可以聚一下。」

    精選娛聞，喺晒《娛果》 http://fb.com/appledailyent
    empty
    潘翁娶新抱，潘翁同太太分別與仔仔同新抱仔一齊跳舞。 (fb圖片)
    empty
    李婉華與潘志文及其太太Janny合照。(fb圖片)
    empty
    潘志文與太太都好登對，在舞池跳第一隻慢舞。(fb截圖)
    empty
    (fb截圖)
    empty
    一對新人切蛋糕(fb圖片)
    empty
    與兄弟姊妹團一齊跳舞娛賓 (fb截圖)
    empty
    Pontiac跪地求婚 (fb圖片)
    empty
    一對新人都 係靚仔靚女，婉華大讚二人好登對。 (fb圖片)
    empty
    唔少身在溫哥華居住嘅演藝朋友都有出席潘翁娶新抱嘅婚宴。(fb圖片)