【差咁啲野】薛家燕為小朋友鬧意見分歧 驚爆：冇咗個男朋友
蘋果日報 2019/09/14 21:02
沙田薛家燕
薛家燕今晚到沙田欣賞兒童音樂劇《童Sing童戲》慈善場，她笑指小朋友看到她出現，特別開心及醒神。
家燕姐透露中秋佳節，到海怡半島與家人食飯慶祝：「入到酒樓，個個都歡迎我，好似我搞生日宴咁。」她特意帶同早前由長者親手製作的傳統燈籠到場，與家人點燈籠、懷緬過去：「而家好少呢啲傳統燈籠，多數都係入電嗰啲，所以就帶埋去玩，妹妹個孫仲叫我送畀佢，第時做勞作可以參考。」
問到男朋友有否出席飯局？家燕姐突然驚爆「冇咗個男朋友」，問到是否已分手？她有點尷尬說：「遲啲先講，本來今晚有飯局，不過我想嚟呢度支持小朋友仔，對方就覺得邊個重要啲？」問她們是否鬧交並非分手？家燕姐說：「冇，講道理啫，係意見分歧，不過唔緊要，同屋企人慶祝都好，不過今年個月亮好似細咗，好似差咁啲野。」記者笑指家燕姐有弦外之音？她笑謂：「等對方諗下啦。」
採訪：盧妹
攝影：陳俊強
攝影：陳俊強
（攝影：陳俊強）
薛家燕今晚與張祟德及張崇基等，到沙田欣賞兒童音樂劇。
薛家燕自爆因為支持小朋友，而「冇咗個男朋友」。