MIRROR經理人黃慧君（花姐，下圖）完騷後受訪，評12人的表現：「噚日full dress表現仲好，明顯今日比較攰，只能畀60分，希望佢哋可以再做好啲，尾場有90分。」花姐指盡量安排眾人有個人表演，發揮自己長處。花姐雖一貫嚴格，不過鏡粉就大表滿意，男歌迷Zac大讚encore環節出色：「好驚喜，最鍾意《IGNITED》，原本以為佢哋唔唱，睇晒想睇嘅嘢，唱咗好多歌都夠晒。」

「爵屎」YoYo大讚：「最鍾意encore位，有我最鍾意《Reflection》，最鍾意Edan，佢今晚表現perfect。」而Ian的粉絲Koey最鍾意合唱版《蝸牛》：「超感動，最有驚喜係吊台環節，買咗780蚊座位都可以近距離見到。」她希望Ian可以跳更多舞。前晚捧場藝人除ERROR、黃修平及林嘉欣等外，早前曾向姜濤送上生日祝福的鄭裕玲亦有出現，她之後更在Ig貼出合照並大讚演出好睇。另有入場fans在Ig賬號中直播演唱會長達10分鐘，高峯期一度有超過2,100人收睇，有人不忘感激直播的fans開心分享。