又到新一屆香港小姐招募時間，今年因為疫情關係，不少行業都裁員，而香港小姐就以「逆市筍工」作今年的招募口號，指香港小姐是在現今的市況上，美女們夢寐以求的筍工。

今年記者會請來馮盈盈、劉佩玥、何依婷等擔任嘉賓，而司儀方面則有麥美恩及陸浩明。馮盈盈早前跟何猷亨船的P事件鬧到熱哄哄，更有指因馮盈盈將江嘉敏「擺上枱」而令二人友情決裂，故令她在今日記者會上即成抽水對方。

記者會內陸浩明以「可以周圍飛」、「好多人送嘢畀你」、「有機會年薪過千萬」、「容易識到朋友」、「好多人服侍你」、「上市大公司好可靠」等hashtag來介紹港姐是份筍工的地方，其中講到「容易識到朋友」的hashtag時，陸浩明說：「一開始廿幾位佳麗，個個都會成為你哋嘅好姐妹。之後又會跳出去拍劇嘅環境，又會識到演員同幕後，同時間又會參與好多慈善活動，你會識到好多好多好好朋友。」不禁令人聯想到馮盈盈早前跟好朋友何猷亨一同船P事件。

之後再說到「可以周圍飛」的hashtag時，陸浩明跟麥美恩再次抽水，將馮盈盈跟新男友鄭衍峰擺上枱。陸浩明先說：「拍旅遊節目經常周圍飛，即係好似我兩個好拍檔麥明詩同馮盈盈咁，早排我哋去咗加拿大拍《後生仔傾下偈》，可以話嗰個trip係改變咗其中一啲人嘅一生。」之後麥美恩邀請馮盈盈出場分享當年參與港姐感受，馮盈盈說得眉飛色舞，麥美恩見狀即跟身旁的陸浩明唱雙簧：「佢去完加拿大真係開心好多，我都喺加拿大返嚟，點解冇咁開心嘅呢？」陸浩明即謂：「應該頭先hashtag加多樣『可能會搵到你嘅Mr. Right』呀！」麥美恩附和說：「你應該話搵男朋友。」令在旁的馮盈盈笑不攏嘴。

記者會結束後，馮盈盈被追問跟江嘉敏鬧不和事件，有備而來的她表示自己並不清楚對方的post是甚麼原因，她又指因為「新一年」的關係，故近月嘗試戒用社交平台：「因為其實最近呢半個月呢，甚至去到噚日我生日正日，我都冇特別再用社交平台作更新、出post等等。我覺得新一年可以嘗試沉殿自己，唔需要再依賴太多社交平台，所以如果網上發生咩事我就真係唔太清楚。」馮盈盈又指即使大家是朋友，但都應該給予對方個人空間及私隱，不應每事「打爛沙盤問到篤」，問到她跟江嘉敏有沒有鬧不和、吵架？她斬釘截鐵的說：「絕對冇！」

今年香港小姐一度爛產不舉行，今日宣布將以網上面試及進行訓練，對此無綫非戲劇製作助理總經理暨2020香港小姐競選統籌經理余詠珊表示，為確保參選人的真偽，會對她們進行一些調查：「因為佢有可能係男生，亦有可能做咗好多修圖。」雖然面試及訓練等都會在網上進行，但余詠珊表示總決賽時，屆時眾佳麗仍然會現身示人。

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新