2020年奧運喺日本舉行，早喺上年里約奧運閉幕禮，日本奧委會方面已經show下佢哋聞名國際嘅動漫電玩角色。日前有報道指，佢哋打算用經典動漫《龍珠》嘅主角孫悟空，作為2020年東京奧運嘅吉祥物。

除咗有撒亞人孫悟空，下屆奧運亦會慳得就慳，奧委會宣佈，到時頒發畀運動員嘅獎牌，會由循環再用嘅金屬製成，預計全部大約5,000面獎牌，要用到8噸金屬，會方會喺4月開始進行回收活動，呼籲全國人民捐贈廢棄電子產品，到出年年初就會開始生產獎牌。