韓國女星柳仁英今日到尖沙嘴以代言人身份，出席美容品牌活動，曾跟金秀賢合作拍攝《來自星星的你》嘅佢，喺台上被問到與金秀賢合作感受時，佢自爆二人同讀一所大學，是學姐學弟關係，所以非常熟稔。

柳仁英又透露今次來港忙於工作，但自己好鍾意王家衛執導嘅《重慶森林》，希望可到電影中嘅場景遊覽。

柳仁英接受訪問時坦言，希望跟王家衛及梁朝偉合作，更願意苦練廣東話。問到佢有冇為男朋友或其他男士護膚？柳仁英笑言:「冇，我剩係搽自己塊面都好忙。」

問到柳仁英金秀賢喺大學時期，係咪已經好受女生歡迎？佢冇直接回應，只係話:「我哋會喺同一個課堂上課，佢係一個勤力同可愛嘅弟弟。」