由韓國神劇《太陽的後裔》女星宋慧喬孖朴寶劍主演嘅tvN新劇《男朋友》上月28號首播，今日播出第7集，港迷稍後可於「黃Viu煲劇平台」同步追睇。

今晚劇情承接上一集講到首爾市長嘅女兒車秀賢(宋慧喬飾)喺記者會上被追問有關緋聞嘅事，因為平凡青年金振赫(朴寶劍飾)被指係跟蹤狂，喬妹不甘朴寶劍被屈，於是喺記者會上直認同朴寶劍係曖昧嘅關係。

喬妹母親向女兒質問，更要求佢同前奶奶道歉，不過喬妹就話要過自己嘅人生。喬妹過去見朴寶劍及同事，朴寶劍見到喬妹忍不住偷笑。辦公室只剩下喬妹同朴寶劍，兩人互相慰問，朴寶劍話好擔心喬妹之後條路，但喬妹就話自己過自己嘅人生好開心。

喬妹嘅前奶奶將喬妹直認有曖昧對象嘅相關新聞都掩蓋過去，令到喬妹嘅緋聞冇被傳開去，同時前奶奶亦想將朴寶劍調去束草酒店，等佢遠離喬妹。而喬妹前夫去見朴寶劍，並向佢確認同喬妹嘅關係。

朴寶劍同喬妹約會，朴寶劍話唔想再曖昧下去，喬妹即時嚇了一跳問佢係唔係想辭職，朴寶劍話0依家要消除曖昧正式開始戀愛，但喬妹就鬼馬話自己要繼續曖昧一下。兩人更計劃未來，好似去旅行、去遊樂園，但喬妹就話自己唔方便，最後喬妹就提議去書店，互相去揀書本給對方。

喬妹因為發生緋聞而被理事會問話，而喬妹亦就事件道歉，並保證唔會再發生呢個問題。朴寶劍同喬妹喺公司電梯相遇，喬妹去到停車場時，司機扮晒嘢話肚痛，留機會畀佢同朴寶劍獨自兩個人，趁機讓二人約會。朴寶劍話希望如果有痛苦記憶，也可以想着開心嘅事情度過。

朴寶劍跑步期間想見喬妹，於是就跑到喬妹屋企搵佢，喬妹更邀請朴寶劍去屋企，朴寶劍話原本想跑到漢江，因為想着喬妹，但自己卻冇喬妹照片，好想見喬妹關係，所以就跑到佢喬妹屋企，朴寶劍笑自己像跟蹤狂，喬妹就話似男朋友一樣，兩人聽到「男朋友」三個字即甜笑，朴寶劍仲即時同喬妹自拍影合照。

朴寶劍回家同父親傾偈，朴寶劍直言愛一個人好難，要需要好努力。朴寶劍透露將會調去束草返工，叫爸爸到時幫口安撫母親。喬妹得知朴寶劍被調去束草後即趕回公司。下集預告兩人去咗睇海，朴寶劍仲從後攬實喬妹，兩人更疑似將會上演吻戲。

相關新聞連結：
【第1集】 古巴浪漫初遇 喬妹夕陽下挨實朴寶劍
https://bit.ly/2QsFt9I

【第2集】喬妹重遇朴寶劍 兩人甜蜜食拉麵登熱搜
https://bit.ly/2EbSyi1

【第3集】朴寶劍漏夜飛車見喬妹 深情表白： 想見你所以才過來
https://bit.ly/2AXpjvj

【第4集】朴寶劍冧送生日禮物 當眾約會喬妹食拉麵
https://bit.ly/2BaWrj6

【第5集】終於接受朴寶劍？ 喬妹：讓我哋喺曖昧中再見面
https://bit.ly/2zTBSba

【第6集】甜蜜拖手仔 喬妹公開認同朴寶劍玩曖昧
https://bit.ly/2UYaWzN

精選韓流，喺晒《娛果》
http://fb.com/appledailyent