身在上海嘅老友噚日call八方，話身在浦東陸家嘴上海國金中心商場睇緊一個「龍袍展」，好近距離觀賞皇帝的故衣。
呢個展覽總共展出11件清宮龍袍，有康熙、雍正、光緒等多位皇帝嘅朝服或吉服，件件繡金繡銀十分bling，老友話估唔到以前啲皇帝咁奢華浮誇。你說是浮誇吧，價錢卻唔係太令人驚訝，11件龍袍，總值近5,000萬元人仔，未必夠買九龍站一個豪宅單位。八方聽聞有商場想「借」呢啲龍袍嚟香港展出，但由於件件都係國寶，好難攞批文，不能成事。