當年今日
關於我們

【鷹君爭產】羅老太首作供:三仔為錢對付親生老母!

蘋果日報 2018/06/04 11:46

羅嘉瑞羅杜莉君鷹君爭產羅老太

【新增內容】
鷹君(041)「羅老太」羅杜莉君控告家族基金信託人滙豐信託失職,要求撤換信託人,案件今日在高等法院續審。
今早羅老太首度作供,首一小時已爆出不少「金句」。一開始由辯方的御用大律師Paul Girolami盤問羅老太,主要圍繞二戰前、鷹君創辦直至80年代情況。羅老太多次提到「老公叫我簽乜(文件)就簽乜」,到公司營運沒有過問,但知道文件主要為買地買樓。
提到80年代,羅老太直指當時了解到三子羅嘉瑞想賣走公司股份:「當時三仔美國返嚟,好鍾意賣嘢,想將公司股份賣畀新加坡佬,1股3毫子,我行到走廊,聽到佢哋兩仔爺喺入面傾,我即刻stop佢,做得咁辛苦,3毫子賣,賣咗依家踎街呀!」最後她指丈夫聽她說話,沒有賣公司股份。
大律師續盤問羅老太,拒絕賣公司股份,是基於情感上,還是覺得出價太低,羅老太直指「就算再高價都唔賣」:「咁辛苦做,咁又要賣!」
庭上羅老太亦將三子嘉瑞的歷史娓娓道出,「佢喺美國做心臟科醫生,做得唔開心,畀人鄙視。之後就寫信同爸爸講想番嚟香港,爸爸回信同佢講不如番嚟幫手。」羅老太指一開始嘉瑞先到酒店實習,半年後回公司幫手,「一開始無乜方向,頭一年摸唔到路,佢好抑鬱。但佢好聰明,讀書唔使錢。」
當時有份旁聽的嘉瑞在旁閉目,沒有表情。羅老太之後提到:「依家唔知個仔點解會對付媽媽,親生老母,為咗money!」
之後辯方大狀問羅老太,三子羅嘉瑞是否曾幫丈夫羅鷹石做生意,她同意說法,正因如此,他現在才「揸晒大盤」。
至於尚有沒有其他子女幫忙做生意?羅老太回答:「四仔(羅康瑞)獨立,爸爸早年畀咗10萬蚊佢做生意,都係做建築;二仔(羅旭瑞)都獨立,做酒店;三仔(羅嘉瑞)幫爸爸」。辯方律師問:「其他仔女有冇幫手?定其他都獨立?」羅老太說,「大仔(羅孔瑞)有幫少少,仲有大女(羅慧端)都有幫手。」
羅老太亦提到1984年時,戴卓爾夫人來香港,當時香港建築業出現困難,鷹君亦不例外,「啲錢放晒喺起樓到,但賣唔出,好多做建築都困難,唔止(鷹君)一間。」
在聆訊午休前,辯方大狀用不少時間盤問羅老太1984年時將羅杜莉君信託的資產,合併入羅鷹石家族信託一事,不過羅老太稱忘記一些細節,並說:「依家咁鬼老,邊記得咁多啊」。
記者:梁延宇、周家誠
全球樓行 Dream House零距離
https://hk.feature.appledaily.com/overseaspropert
empty
羅老太首度作供即爆金句(李潤芳 攝)