砵蘭街唐樓起火 穿裙男戶主雙手灼傷
火警唐樓舊樓砵蘭街電線短路
【10:34】《蘋果》今晨再到火警單位採訪,余姓戶主不在家,但見其單位鐵閘半開,在門口已望見屋內雜物堆積如山,單位面積約400多呎,但內裏全是雜物,黑膠碟、多個電腦硬盤,但大多已被焚毀。據街坊透露,男戶主多年前與父母及胞姐同住,及後母親離世,胞姐移民,近20年都是獨居上址。「佢間係垃圾屋,擺好鬼多嘢,堆積如山,自己都入唔到門口。」鄰居說過往見過他在家砌模型道具,很少見他外出工作。
對於與垃圾屋為鄰,街坊都叫苦連天,「佢喺度養老鼠,老鼠車車轉,同老鼠瞓覺,我住咁耐就擔心咁耐,我哋同佢講過好多次,投訴過,食環署都嚟貼過幾次紙警告佢,但佢都唔理。」有街坊稱一直擔心發生火警,「我屋企人話實有一鑊㗎!依家真係有(火警)!」街坊說,近幾年男戶主更不時穿裙出街,「着住條裙走出去,易服男咁,唔係幾正常。可能佢阿媽過咗身,憶母,着返阿媽啲衫裙。」對於戶主用錫紙封窗,街坊不諱言「可能佢驚俾人裝!」街坊形容男戶主「唔同人溝通講嘢,但又唔會騷擾你。」火警發生後部份樓層電線燒毀,無電供應,住戶要聯絡中電接駁電力。
-----------------------------
旺角砵蘭街422號一幢唐樓,凌晨3時許,其中一個單位發生火警,冒出大量濃煙。消防員接報到場疏散居民,及架起雲梯開喉灌救,迅速將火勢控制,隨後救熄。火警中22名住客要疏散,單位內姓余男戶主(62歲)吸入濃煙,雙手灼傷,頭部輕傷,經救護員敷治後拒絕送院。
起火單位窗戶用錫紙密封,消防射水時錫紙翻出外牆。其後消防員在單位內進行調查,初步相信火警起因由電箱洩電引起,並波及屋內雜物起火,原因並無可疑。火警後余姓男戶主穿着風衣,下身卻穿上一條碎花半截裙,赤腳落樓逃生,雙手經包紮後拒絕送院,然後不發一言上樓返回單位。
據悉,起火單位存放頗多雜物,街坊言談間亦面露不悅表情,語帶無奈對記者說:「唉!佢間屋啲窗封到實㗎,你去問吓佢啦!」