當年今日
關於我們

【韓流】《超人回來了》連續34周收視奪冠萬歲好掛住小愛BB

蘋果日報 2015/02/23 06:00

蘋果香港三胞胎即時秋小愛萬歲超人回來了宋一國

韓國大熱KBS綜藝節目《超人回來了》噚日播出最新一集,收視再次稱霸同檔節目,有17.6%收視,同檔嘅SBS節目《KPOPStar4》收視率為13.1%,MBC嘅節目《Animals》僅得3.3%收視,墊底收場。而《超人回來了》已經連續第34星期成為收視冠軍,呢班小朋友認真厲害。

而噚日播出嘅一集宋一國就讀恐龍童話書畀三胞胎,三胞胎安坐係到聽故事之際,萬歲睇到秋小愛坐過嘅位就顯得心神恍惚,又邊嚷着:「呢個係小愛姐姐坐過嘅位。」由於之前小愛同萬歲好鬼老友,仲試過喺鏡頭前咀嘴,所以萬歲顯然就好掛住小愛。

宋一國得知萬歲嘅心意,就話要將佢原來嘅位置換成小愛坐過嘅位。坐喺小愛坐過嘅位嘅萬歲就話:「小愛姐姐喺邊?我想佢了。」宋一國就話:「小愛姐姐喺隔海嘅日本。」網友睇完片段之後就留言大讚三胞胎好可愛,又話:「萬歲真喺好鍾意小愛呢。」、「三胞胎同小愛能再見面就好了」。