【Ali被雪藏】黎諾懿放棄拍新劇 《BB來了2》易角搵馬明香香接棒
蘋果日報 2019/09/12 12:45
黎諾懿岑麗香馬國明李佳芯BB來了
李佳芯（Ali）去年憑劇集《BB來了》勇奪無綫視后，惟Ali早前呼籲香港人盡公民責任，登記做選民後，觸動到出名「玻璃心」的大陸網民神經慘被狙擊。
無辜捲入政治風波的Ali被批評是「港獨」，除了傳她被內地封殺，早前已傳她有份拍的《BB來了2》要易角。雖然，男主角黎諾懿日前出席活動，仍稱劇集會延至明年2月才開工，但據知劇集明年2月開工是事實，可是視迷要再看Ali和他這對「螢幕夫妻」演出就沒有機會喇，事關《BB來了2》將會易角，男女主角分別由馬國明及岑麗香頂上。
黎諾懿和Ali合作拍劇後成為電視台「金蛋」，為公司帶來的廣告收入相當可觀，惜Ali今次比得罪方丈更嚴重，為大局着想，新劇不得不放棄她，惟大台一直都希望另一「金蛋」黎諾懿保留在新劇，亦積極研究如何交待「老婆不見了」的劇情，但有指黎諾懿始終覺得劇情太牽強，最後選擇不拍。黎諾懿今日接受傳媒訪問時亦未有否認消息，他表示：「拍劇嘅嘢一向都交畀公司安排，不過我覺得有啲嘢如何可以留番個美好回憶都係好事。」
