前西班牙國腳沙比阿朗素禮拜一傍晚透過自己嘅社交網站公佈未來去向，呢位曾經效力過利物浦、皇家馬德里同埋拜仁慕尼黑等多間大球會嘅中場，將會成為一位教練。

沙比球員生涯曾經贏過唔少大賽冠軍，包括兩次歐聯、兩次歐洲國家盃同一次世界盃冠軍，佢喺今年5月退休之後一直好努力咁考足球教練章，直至禮拜一晚終於喺自己嘅Instagram帳戶公佈日後打算成為教練嘅決定。

沙比阿朗素當年喺皇家蘇斯達出道，2004年加盟利物浦，贏過2005年歐聯同埋2006年英格蘭足總盃。沙比阿朗素其後在2009年轉投皇馬，然後在2014年再加盟拜仁，並效力至退休。