全球矚目嘅荷李活猛片《復仇者聯盟2：奧創紀元》（Avengers：AgeofUltron），噚日喺取景地之一嘅首爾開記者會，導演佐斯韋頓（JossWhedon）率領「鐵甲奇俠」羅拔唐尼（RobertDowneyJr.）、「美國隊長」基斯伊雲斯（ChrisEvans）、「變形俠醫」麥克雷法路（MarkRuffalo）現身，有份演出嘅韓國女星秀賢都有撐場，同羅拔情深互望，唔知有冇畀鐵甲奇俠電電親呢？
直到今晚，復仇者聯盟於當地時間夜晚8點行紅地毯，吸引大批影迷捧場，眾星都晒親民，停低為fans逐一簽名。
演「變形俠醫」嘅麥克雷法路，連日來都有於網上更新近況，噚晚佢就食韓燒，而今日就同秀賢戴膠頭盔合照。