【齊上齊落】PK鄧肉麻向同袍「示愛」:最辛苦嘅工作我都想一齊去做
高志森暴力屈穎妍鄧炳強
鄧炳強接受高志森及屈穎妍訪問時,講到自己希望與手下齊上齊落。
其實愛是否一定要劃公仔劃出腸,如果情人每次用「催眠方式」講愛你,你又會否覺得係敷衍呢,警務處長鄧炳強早前接受高志森及屈穎妍的網台訪問中,鄧炳強更明言要肉麻講一句:「要愛錫我哋嘅同事,同佢哋係齊上齊落,最辛苦嘅工作我都想同佢哋一齊去做,咁我相信呢個都係令到同事分享到我哋對於佢哋嘅尊重同愛護。」被問到是否如外間覺得是個鷹派處長,鄧炳強稱很難分門派,自稱是務實派。
提到去年11月上任以來,一直維持警隊高士氣,他指今時唔同往日,不可以單單給指令就完事,要令警隊覺得自己的工作是正義的。
在鄧炳強心目中怎樣才叫愛,原來只經常落區同警員「打氣」,難怪高官藝人要經常拍片隔空講加油,他解釋自己來自基層,多年來無論做哪一個崗位,都與舊同事聯絡,了解不同階層在工作時遇到的困難之處。他憶述自己有次落區,被一個目測大學生年紀的年輕人連名帶姓直呼其名,他心想「冇好嘢」,該年輕人稱不認同警方的暴力行為,但鄧炳強指對方稱形容他去區議會同人對答猶如「深入虎穴」。
高志森又問鄧炳強有沒有警方「必勝」法?鄧炳強坦言「做警務工作冇話贏輸」及「賊就永遠都有,永遠都捉唔晒」,他聲稱已指示警隊首要是嚴正執法,其後要改善與市民及傳媒之間的關係,又強調要澄清假新聞和假消息。
提到去年社會事件,鄧炳強稱十分重視警員安全,又會作出改善,指「唔係話對方(示威人士)個武力升級呢,我哋就要諗啲好新,或者仲大過佢哋嘅武力,並非咁樣嘅。」鄧炳強批評市民現時守法意識比以往薄弱。
被問到起底文化,鄧炳強突然主動提出自己以往面對黑社會的經驗,他說自己小時候黑社會橫行,但大家都不報警,助長黑社會變得更惡,但他認為如果每一個人都挺身而出的話,那些「所謂嘅黑社會」、「做啲唔見得光嘅嘢嘅人」,就會「自自然然就會暱埋」,警方亦會採取相對執法行動。
身為公僕必須理行職責,之不過由去年警隊濫暴濫權事件不斷發生,警隊民望評分跌至1997年回歸後新低,林鄭卻在今年一月見記者時,重申不應走成立獨立調查委員會這條路,以「拖字訣」面對市民訴求,而執法人士知法犯法、諸多掩飾,至今亦未有任何檢討。未知PK鄧會不會以大愛精神,以「嚴正執法」公開徹查警暴問題呢!?
-----------------------------
第三屆最港電影大獎
按此立即投票 -----------------------------
【武漢肺炎】專頁 全民自救 抗疫資訊盡在《蘋果》