周日上演嘅日本天皇盃決賽，浦和紅鑽以1:0擊敗仙台維加泰，相隔12年之後再次贏得天皇盃，兼且攞埋日本最後一個亞冠盃席位。

浦和今場早段已經先開紀錄，後衛宇賀神友彌13分鐘禁區頂接應角球，球不著地窩利勁射破網，浦和憑呢球世界波先開紀錄。雖然仙台落後之下積極反撲，不過始終無辦法突破浦和嘅防線，半場落後一球。

換邊後仙台繼續搶攻，先有阿部拓馬接應右路地波傳中起腳畀西川周作快一步沒收，之後又有野津田岳人禁區內無人看管之下頭槌頂斜錯失扳平機會，最後浦和紅鑽守住1:0勝局，自2006年之後再次贏得天皇盃。

今次係浦和歷史上第七次喺天皇盃登頂，球隊前身三菱重工喺70至80年代先後贏過四次，而浦和紅鑽就要等到本世紀嘅2005同2006年先至初嘗捧盃滋味。
--------------------
新球季，新陣容！利物浦 FC 18-19季球星進駐《BFB》！立即帶領紅軍，踏上登頂之路！ http://bit.ly/2oQObi1
--------------------
《體蘋果》陪你睇波講波
https://www.fb.com/appledailysports