現效英乙韋甘比、噸位十足嘅35歲前鋒艾堅費華（Adebayo Akinfenwa），原來係利物浦「粉絲」，佢仲話如果紅軍要攞英超冠軍嘅話，就一定要簽佢返黎。

艾堅費華上月接受傳媒訪問時，談及佢想加盟利記嘅意願，說:「我覺得我地（紅軍）只係差一個前鋒，高路普一定要帶我去紅軍。我需要一啲佢具速度嘅球員喺我旁邊，而紅軍本身已有沙迪奧文尼、羅拔圖法明奴以及穆罕默德沙拿，如果佢地將啲波斬入禁區俾我，我就會取得入球。」

艾堅費華又話，韋甘比嘅領隊知道佢鍾意利記，所以好尊重佢嘅意願，唔會強迫佢留隊。利記雖然買唔到中堅華基爾雲迪積克，但其實可以考慮下艾堅費華，試下改造佢成為中堅，話唔定可以成為一路奇兵呢！