【韓流】具荷拉今午現身警署 男友指傷口深有感染危險
具荷拉
韓國女團KARA嘅27歲前成員具荷拉近日捲入是非,上周因涉嫌毆打27歲髮型師男友A某而驚動到警方。A某稱遭具荷拉毆打,具荷拉就表示係雙方發生肢體衝突,二人先後公開受傷照片,當中具荷拉更透露被打致子宮及陰道出血。
噚晚A某現身江南警署,接受調查長達4小時,結束調查後,A某表示對於事情發展成咁而覺得好傷心,表示:「比起感到委屈,將非事實嘅事,講成係事實,更令人覺得遺憾。」
A某亦透過韓媒《朝鮮日報》公開驗傷報告,指佢傷口深,有感染嘅危險,而且有做重建皮膚嘅必要性,建議住院治療,估計需要3周時間。
另外,韓媒《Dispatch》公開事發當日凌晨2時半左右,A某跟具荷拉嘅通訊對話,當中A某指具荷拉跟該男性朋友講太耐電話,具荷拉回覆:「唔係你要我打畀佢講清楚嗎?唔係你要我下跪嗎?」之後A某回:「把話講清楚?我冇呢個想法。」隨後又表示:「你應該見緊個oppa吧,不好意思打擾你嘅夜生活,我想問你想點,如果你唔回我,就直接去警署。」而具荷拉預計今日下午韓國時間3時到警署接受調查。
相關新聞
【韓流】韓女星具荷拉疑被打致子宮出血 男友今晚接受警方調查
https://bit.ly/2QES7Qg
【韓流】具荷拉明午現身受查 男友戴口罩遮傷痕到警署
https://bit.ly/2NndsPU
精選韓流,喺晒《娛果》
http://fb.com/appledailyent