「真係令人好激氣，係唔係養大狗就要畀人歧視？」住唐樓的AstaChui養了一頭大狗兩年，街坊見到他帶狗出街，即時避開，惟恐狗隻傷人。日前他回家時，發現樓梯有幾粒狗糞，他居住的樓層則貼了張狗隻不得隨處便溺告示，原來看更懷疑是他的狗所為，主、寵同遭歧視，氣得他在網上圖文並茂申寃。

AstaChui說，雖然鄰居一直對他的狗不太客氣，他也忍氣吞聲，這次發火，是因為三樓、五樓及六樓也有人養狗，惟獨在他居住的四樓貼出告示，「只係得我住4樓先有貼，我真係勁嬲，全座大廈得我一個人養狗？點解只係懷疑我隻狗？冇憑冇據，點解就一口咬定係我隻狗？」他更說不會就此罷休，「如果有證據，可以告我，唔好搞咁多小動作！」

建議拎狗糞驗DNA

「我建議拎啲屎去驗DNA，唔通係女人就話佢係雞咩！」MasterM認為狗隻清譽不能受損，必須還牠清白。Makebetter稱，首先應該拒交管理費以示抗議。他說，最重要是依規矩辦事，「如果大廈公契畀養狗，就唔使理呢啲人，如果驚細路俾狗嚇親，唔好俾細路出街囉，出街都隨時俾車車死啦。」Yor88很同情AstaChui遭遇，「呢啲咪係黑狗偷食，白狗當災囉。」

《蘋果》網聞版請你報料！大家無論在網上網外發現任何騎呢搞笑的事情，都歡迎提供照片或短片資料。
一經採用可獲酬100元
請附姓名、電話及電郵地址，電郵到：[email protected]