當年今日
關於我們

【受傷係職業嘅一部份】華仔大難不死 阿叻:可能之後生個慈菇椗

蘋果日報 2017/01/20 14:38

陳百祥保良局黃杏秀哥爾夫球林漪淇

陳百祥、黃杏秀聯同林漪淇、林敏聰等人今日喺上水哥爾夫球場參加保良局舉行的球賽。近日劉德華喺泰國拍廣告墮馬受傷,陳百祥望對方吉人有天相,佢話:「受傷都係我哋職業一部份,大難不死必有後褔,可能佢之後生個慈菇椗。」阿叻指華仔應休息一段時間,更希望唔影響行動。
另外,最近有傳再拍《愛·回家》系列,身為「馬家新抱」嘅林漪淇稱已開劇,但並非原班人馬齊集,佢話:「好似已經拍緊,好似用個劇名,但係全新故事,知道丹爺入咗劇組,唔知之後會唔會陸續加演員入去。」漪淇又話同馬家人有默契又好感情,而且部劇帶出嘅訊息好好,希望再一齊拍劇集。