周三（5日）晚谷中舉行國際騎師錦標賽日，用B跑道作賽，天文台預測日間天晴，而暫時估計當晚場地掛牌為好地。

睇番上季騎師賽日亦係用B欄，當晚大利內疊馬，其中一檔馬共贏三場，跑法方面仍以前置馬較佳，如「和平開心」、「運來寶寶」及「中華盛世」擺前帶到，另外「勇闖者」及「紅運發財」守貼欄包廂位勝出，留得太後好難追。

今戰列陣馬中，第七場四班1650米之「埼豐」，上仗正是於谷中B欄一放到底，等番同一移欄再上陣有心想添食。

另外，第八場二班1800米之「勝利仔」，兩次角逐谷草B跑道1800米全勝，憑藉本身的出色場地性能，可食出周三晚尾糊。