唐詩詠(Natalie)今日以動感校園大使身份喺沙田體育學院參予「毅力12愛心跑」活動，Natalie負責帶領特首林鄭月娥同霍震霆、許晉奎等政界高官一齊做熱身，林鄭都做得好用心，跟到足去跳，反而霍震霆同許晉奎有時都會偷懶唔跟住跳。

詩詠表示自己向來喜歡做運動，細個時候係羽毛球校隊，仲有玩長跑，現在都會打羽毛球同玩健身。問到做運動係咪可以幫助舒解情傷？佢話﹕「運動可以訓練耐性，無論咩時候都可以帶正能量，遇到咩難關都會用訓練心態去面對。」詩詠最近接受訪問時透露與洪永城分手，皆因步伐未能一致，佢解釋﹕「其實我冇講任何事，呢個只係我嘅愛情觀，唔想解釋原因(分手)，都咁耐，會向前看，分手有好多問題，普通一對情侶都有機會遇到，睇吓當時點處理。」

對於洪永城話台慶頒獎禮會投詩詠做視后，詩詠話﹕「多謝佢先，最重要投票。(佢嗰一票好緊要？)在心中，多謝。(再見亦是朋友？)係，都係朋友。」

更多娛聞，喺晒《娛果》
http://fb.com/appledailyent

【minigame】2017瘋暈人物 返工打機唔使擇日
http://bit.ly/2CeWQkP