林志玲最近傳聞多多，先喺舊年11月被踢爆同言承旭喺馬來西亞蜜會，正式復合。去到二月就宣布要暫停2月所有工作，唔少網民猜測志玲懷孕要專心養胎，但之後經理人已經否認咗，話只係感冒引致免疫系統失調，就連落床也有困難。

今日林志玲喺杜拜出席杜拜阿聯酋購物中心浪琴錶名品店嘅新店開幕剪綵，訪問嘅時候，林志玲就一好快咁答晒最近嘅傳聞，佢話「我沒有懷孕。」「我沒有結婚。」「我這個月沒去過峇里島。」「我現在沒有戀情。」即係話依家冇同言承旭拍拖，都唔係有BB。

林志玲又講到依家想多啲人際關係，識多啲朋友，不過依家就仲遇到對的人，佢話：「我跟每個女生一樣都希望有美好的婚姻；但我也想跟所有單身女性說，即使有周遭壓力，但如果能把自己過好，不用給自己壓力。」

精選娛聞，喺晒《娛果》
http://fb.com/appledailyent