【本報訊】經歷巨變的林榮基，較以前更關心和投入公共事務，說要力盡公民責任，最近一宗令他不滿的事件，是中聯辦法律部長王振民發表「有人不惜採取極端手段破壞香港」的言論，而當時一眾現任及候任議員，竟然無人主動反駁，他等了良久才發表公開信駁斥。部份人以為中央會換特首，但林榮基覺得，梁振英連任的機會仍然看高一線。
特首選舉戰幔揭幕，坊間熱傳會換走梁振英、以及中央會讓建制派自由投票等風聲，林榮基相信，這些只是部份人的良好意願，他認為不可能發生：「大陸政府畀我嘅印象係，佢對香港干預唔會放鬆，成個特首選舉制度由佢（中央）操控。」

不滿無人反駁王振民

林榮基撰寫的〈致王振民的公開信〉於上月24日發表，但他早在王振民同月22日發表有關言論後已經寫好：「但我就唔發表住，我等，等有冇人反駁佢嘅言詞，發現只有幾篇時事評論員嘅文章，但立法會嘅現任、候任議員，居然冇人去反駁，呢樣嘢我好唔滿意。」
有人大嘆香港玩完，林榮基卻認為不用悲觀，因為港人還可以抗爭：「有時人嘅價值先會喺呢啲時候凸顯出來……香港唔會玩完，但係矛盾會加大。」曾在內地韶關被拘禁的他指，內地禁絕異見，排拒人民參與公共事務的氣氛才教人絕望，反觀香港還是一個有活力、有自由的社會，「香港係值得年輕人生活下去」。
■記者姚國雄