【時日太快】王梓軒入行十周年開騷紀念 鬼祟騷肌觀眾唔夠喉

蘋果日報 2019/12/21 10:30

演唱會王梓軒十週年

王梓軒入行十週年舉辦《CROSS源·樂演唱會2019》,昨晚在灣仔會展提前於七點半開騷,圈中好友王君馨、蔡思貝、陳家樂、前輩張艾嘉、薛家燕等均有捧場。
王梓軒獨奏小提琴,又自彈結他伴唱,充份表演音樂造詣。唱到《邊緣引力》尾段台上燈光收暗時,王梓軒突然脫光上衣,赤膊示人。其後由分別5歲、11歲、17歲小朋友即場以小提琴、楊琴、電子琴三種樂器合奏一曲《再生》。
王梓軒和楊千嬅合作拍劇成為老友,千嬅雖沒有到場,但事先錄片撐王梓軒,千嬅說:「嚟唔到撐你,對你個騷有信心,goodshow,知你為咗個騷又戒口又練大隻,我整咗糯米雞翼、椰子雪糕好多食物等你。」王梓軒說:「拍電視劇認識好多新朋友,其中一位喺天上面睇緊我哋,lily姐(梁舜燕)。其實喺我迷失時都好多天上嘅星引領我,包括在場家燕姐同張姐(張艾嘉)。」並感觸提到入行十年遺憾是忽略許多身邊人,包括父母及弟弟,大家同一屋簷下卻一個月未必見一面。衛詩任演唱會嘉賓獻唱《幸福相擁》,接住和姐姐衛蘭及王梓軒演繹串燒歌,將整晚氣氛帶動至高潮。
演唱會十點左右完騷,王梓軒在後台接受訪時稱已七年沒有辦個人演唱會,非常感謝身邊團隊,王梓軒說:「本來十週年唔諗住搞咁多嘢,但同事話一定要搞紀念吓,現時環境唔係咁好,好多製作都包喺自己團隊上,包括服裝同個騷安排。」王梓軒關注到社會狀況,刻意提前開騷,他說:「專登以公眾安全為第一提前開騷,好彩都好安全,反而想提提大家個騷其實係七點三開,希望大家可以輕鬆來回。」
至於為何在燈光昏暗之下才脫光上衣,極速騷肌令觀眾未夠喉,他笑說:「只知道要除衫,同導演反映吓,第一場通常都有啲故障,不過我冇故障,『架撐』冇事。其實嗰幕係有戲劇性,講衣不稱身要除咗個殼做番自己,除咗衫就蓋過劇情啦。」
另外王梓軒之前有份主持大台節目《兄弟幫》,節目將於明年一月初完結,王梓軒表示傷心不捨,而製作班底受裁員影響全組起身,王梓軒說:「有啲調咗去其他節目,又或者搵咗其他工作,節目十年,我都做咗九年,大家好團結係真兄弟,點都好會一齊拼。」
攝影:陳俊強
-----------------------------
《2019高級珠寶鑑賞誌》
點擊即睇過百款鑽飾名表
-----------------------------
【匿名港警爆大鑊】
韓國KBS時事節目《時事直擊:香港 被自殺》
一按即睇
empty
王梓軒昨晚舉辦入行十週年演唱會
empty
圈中好友及前輩家燕姐等均有捧場。
empty
王梓軒獨奏小提琴,又自彈結他伴唱,充份表演音樂造詣。
empty
王梓軒在燈光昏暗之下才脫光上衣,極速騷肌令觀眾未夠喉。
empty
又與小朋友合奏。
empty
王梓軒和楊千嬅合作拍劇成為老友,千嬅雖沒有到場,但事先錄片撐王梓軒。
empty
衛蘭及衛詩與王梓軒演繹串燒歌。
empty
有份主持的大台節目《兄弟幫》將於明年一月初完結,王梓軒表示傷心不捨。