【本報訊】康文署上月初因斬去大埔鷺鳥林大片樹冠，導致巢毀鳥亡，悲劇至今未完。有環保團體表示，近日仍發現有初生鷺鳥在該處附近被車輛輾斃，「碌到扁晒，好慘」。團體昨日在馬路旁掛上橫額，提醒駕駛人士行車時留意路面情況，避免更多鷺鳥慘遭輾斃。
環保協進會總幹事邱榮光表示，早前大埔鷺鳥林被破壞後，仍有部份初生鷺鳥在附近出沒，「啲幼鳥未識飛，喺地下行，有時會行出馬路㖭，好危險」。他又指，該會近日連續兩天發現有小鷺鳥被車輾斃，死狀恐怖，「每日都死咗一隻，仲要碌到扁晒，好慘」。他認為，意外接連發生，原因是「鷺鳥好細隻同埋啲人揸車睇唔到，加上冇留意車速就車埋去」。