落選港姐、依家喺奇妙電視擔任主持嘅尤蔭蔭，早前同男友入紙註冊結婚，不過父母反對令婚事要延期。尤蔭蔭喺facebook撰文，抒發一番感受，身處父母、男友之間，手背係肉，手掌都係肉……的確，好難先會搵到一個令所有人滿意嘅決定。

呢道難題，尤蔭蔭未搵到答案，佢喺文章末段，向網民尋求意見：「我想聽多啲意見，可能的話，甚至鼓勵。」言下之意，似乎有所決定，但……冇信心執行。

有網民就回應佢嘅問題，俾咗好多睇法佢參考，甚至拎埋陳慧嫻、馬雲做例子：

加油，選擇自己想要的幸福，父母方面慢慢協調溝通；
一句講完，做你老公好幸福；
呢個世界太多世俗嘅眼光，那種壓力我明白，真愛應該好似你地咁，做自己認為正確的事就無悔；
咁已經好足夠，結婚真係咁重要？；
我覺得如果一時衝動不顧父母反對結婚，婚後一開始可能都仲會覺得自己幸福，但係呢段婚姻亦都會有好大壓力；
最好的例子就是陳慧嫻，本來有個很好的歐丁玉、但她父母要她一定要讀大學、才分手；
如果兩個一齊努力，互相尊重扶持，充滿體諒愛意，例如馬雲，前途無可限量；

過咗一日，尤蔭蔭喺奇妙電視節目再透透露多少少睇法，佢接受訪問時就讚無微不至，一度眼泛淚光咁話已認定彼此。婚姻問題原來除咗家人反對，亦試過同男友關係鬧僵，現時目標係父母接受，可以於下年內成功舉行婚禮，但要達成父母要求：「婚宴要華麗堂皇」，其實並唔容易。

更多娛聞，喺晒《娛果》
http://fb.com/appledailyent