當年今日
關於我們

【疫情影響】李思欣工作全面停頓 甄詠珊買11盒口罩送廣東家人

蘋果日報 2020/03/15 14:24

范振鋒李思欣甄詠珊

范振鋒與太太李思欣、甄詠珊、關伊彤和李天翔今日在觀塘派口罩,已為人母的關伊彤指確諗數字上升,所以盡量不讓小朋友出街,就算外出回家後,都會立即沖涼清潔。
李思欣表示由於疫情影響,工作全面停頓,但老公范振鋒則說:「仲有返電台,仲有自己嘅娛樂公司,但一星期返三日,所有人都四點半放工。」李思欣說:「我都有出街食飯,但同一、兩個朋友去,我比較驚,佢(范振鋒)就冇咁驚,會同朋友出去,我叫佢唔好咁多人呀;我好鍾意睇戲,而家留喺屋企睇,都係睇關於疫情嘅戲,知道全球都有事,所以都有少少擔心。」
對於西班牙首相太太貝戈尼亞都確診,范振鋒表示之前曾想過去克羅地亞和英國,但因疫情而擱置,李思欣說:「係呀,都擔心坐飛機,冇理由全程唔食嘢唔去厠所,同埋好驚去到當地,突然封關,又唔知點樣返嚟,所以留番喺香港。」提到市面上有四款口罩含菌量超標,范振鋒即說:「嗰啲真係黑心藥房,大家都唔夠生活,都驚買咗唔合規格嘅口罩,所以我會盡做,幫手派發口罩。」
最近有份拍攝《愛.回家之開心速遞》的甄詠珊,她坦言不太擔心:「公司每日都會幫我哋量體溫,防疫措施做得好好,自己都會多洗手,去洗手間會戴番口罩,因為入廠就會除口罩,公司好快就會將廠消毒一次,平時都會做義工派口罩,自己又會袋定幾個,隨時送畀有需要嘅人。」談到有家人居於廣東開平,又有個好友的父母因糖尿病,需要每星期到醫院覆診,當她已訂購的11盒口罩到手後,立即送給家人和友人。」她直言11盒口罩都不夠派,所以要再補給,問她花了多少錢?她說:「幾千蚊,將平時買衫嘅錢,而家用嚟買口罩。」
採訪:黃曉妍
攝影:陳慧安
-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》
empty
范振鋒與太太李思欣、甄詠珊、關伊彤和李天翔今日在觀塘派口罩
empty
對於西班牙首相太太貝戈尼亞都確診,范振鋒表示之前曾想過去克羅地亞和英國
empty
甄詠珊直言11盒口罩都不夠派,所以要再補給