民主黨涂謹申在西九奧運選區拉票，競逐連任區議員，曾在涂謹申協助下成功討回公道的2010年菲律賓人質事件倖存者易小玲，主動提出為涂謹申助選。易小玲指，希望略盡綿力幫助涂謹申，「我好信任阿涂，呢幾年幫我哋（人質家屬）打官司，佢好盡心盡力去做，佢係一個好人。佢今日選舉，我自己有呢個願望幫吓佢。大家有眼睇，佢真係為香港，做咗好多嘢，有目共睹。」

上屆只以百多票險勝的涂謹申，今屆對手是重慶政協高曉榮。涂指選情咬緊，十分擔心選民以為他「贏梗」便不出來支持他，認為只要多些選民出來投票，便有相當信心勝出。

晚飯過後，兩位候選人雙雙現身，在奧海城通往維港灣的天橋拉票。其中涂謹申被2名身穿高曉榮號碼衣服的義工左右夾撃，每當有人向涂揮手時亦一同揮手示意。涂認為自己與對手票源相當，形容「好似跑馬叮噹馬頭影緊相」，會繼續在居民交通要道盡力拉票，笑言「死都唔走，磨爛蓆」。投票最後1小時，涂謹申打出溫情牌，與妻子及4歲兒子一同拉票。另一候選人高曉榮亦與大批義工在旁拉票。

涂又指，選情另一暗湧是難敵建制派的組織票，例如屬建制派的九龍社團聯會和維港關愛協會也支持高曉榮，加上奧運區今屆選民激增，令選情增添變數。涂謹申指，高曉榮拒絕出席選舉論壇，故無法與他辯論地區問題和政見。

對於一旦落敗，民主黨會否沒有人出戰明年的超級區議會，涂謹申回應稱，「呢個世界唔會因為一個人落敗而地球唔會轉，人才輩出，冇話邊個冇咗邊個唔得，如果我係做得嘢，為個社區社會做到嘢，我希望市民出來支持我。」